Qezaya Curnê Reşî ya Riha de mabênê di keyeyan de rîyê pênêkerdişê erazî ra pêrodayîş vejîya. Pêrodayîşo bisîleh de her di hetan ra xeylî kesî birîndar bîyî û domanêko bi nameyê Cizre Akbalik cuya xo vîndî kerde.
Mehlaya Gocukî ya Qezaya Curnê Reşî ya Riha de mabênê keyeyanê Akdemîr û Aktaşî de rîyê pênêkerdişê erazî ra pêrodayîş vejîya. Pêrodayîşo bisîleh de Mûstafa, Meral, Îsa, Omer û Mehmet Emîn Akdemîr û Mehmet Alî, Sayim, Abdulkadîr Aktaş birîndar bîyî û domanêko hîrê serre yo bi nameyê Cizre Akbalik cuya xo vîndî kerde. Birîndarî nêweşxaneyanê cîya cîya yê bajarî de yenê dermankerdne.
