Endama Koordînasyonê Kongreya Starî Rihane Loqo derheqê hêrişanê îşxalî yê dewleta tirke yê vera Rojawanî de ANFyî rê qisey kerd.

Rihane Loqo da zanayene ke pê akerdişê warê hewayî hêzanê mîyanneteweyîyan destûrê hêrişan dayo dewleta tirke. Rihane Loqo îfade kerd ke şarê Rojawanî meydanan de yê û wayîrê rûmetê xo vejîyenê. Rihane Loqo vat: ''Asayêne ke binkewtişê Herêmanê Pawitişî yê Medya ra dima dewleta tirke do hêrişê ma bikera. Dewleta tirke xo ra binkewtişê xo yê Kobanê hezm nêkerdbi. Coka Kobanê ewro kerde hedef.''

Rihane Loqo pare kerd ke dewleta tirke bi hîsê 'qedîyayîşî' hêrişê Rojawanî kena û vat: ''Şarê ma û cinîyê xoverdayox, têkoşer û wayîrîradeyî do meydanan de bi ruhê şorişî, bi bawerî vera nê hêrişan waran de binê. Serkewtiş do bibo ê şarê ma . Dewleta tirke zî do bin bikewa.''