Dêrsim de zî wextêkî ra nata karantîna û tesîrê ci yenê dîyene. Dêrsim de zî tay zehmetîyî estê. Nê prosesî de dewijî goreyê şaristanijan hîna zerrîrehet ê. La reyna zî dewijî zî hetê psîkolojîk û ekonomî ra tengasîye ancenê.

Dewijê dewa Şine ya Dêrsimî hem cuya xo dewam kenê hem zî prosesê janî ra qerqilîyenê. Dîyayîşê wisarî ra dima dewijî zî dest pê karê hêga û heywandarîye kenê la goreyê mesafeyê komelkî têgêrenê.

Dewijî îfade kenê ke beno ke ê nêeşkê heywananê xo biroşê coka qerqilîyenê. Dewijî anê ziwan ke nê prosesî de cuya dewe seba înan şans a û vanê ke ganî ê merdimê bînî zî abigêrê dewanê xo.

Dewijî veng danê vanê: ''Dewe cu ya, abigêrê dewanê xo.'' Dewijî wazenê ke wa selahîyetdarî hetkarîya înan bikerê.