Rojawan û Mexmûr de bin şewe bi wesîleya Roşanê Qurbanî şar mezelî zîyaret kerdî û serê înan de mûmî tafînayî.

Xeylêk cayanê Rojawanî de bi wesîleya roşanî şar şi mezelan ser. Heme kantonanê Qamişlo û Hesekê ke şarî verê xo da şehîdgehan. Merdimanê şehîdan serê mezelan de dûayî wendî û mûmî tafînayî. Şarê ke şehîdgehî zîyaret kerd sozê teqîpkerdişê rayîrê şehîdan da.

Kampa Multecîyan a Şehîd Rustem Cûdîyî (Mexmûr) de zî bi wesîleya roşanî şar verê Dezgehê Keyeyanê Şehîdan de ame têhet û piskeneyan ver bi mezelenê şehîdan rayra şi. Rayîr de sloganê sey ''Şehîdî Nêmirenî'' û ''Bijî Serok Apo'' ameye eştene. Badê rêzgirewtişê semedê şehîdan, qiseykerdişêk ame kerdene û ame waştene ke wa roşan bibo wesîleya haştîye. Şarî dûayî wendî û mezelean ser o mûmî tafînayî.