Ronayoxê Ajansê Xeberan ê Dîcle (DÎHA)yo ke pê qerarname qefilîya û Temsîlkarê ajansî yê Amedî Kadrî Kaya (Mamoste) serrgêra 2. ya wefatê ci de serê gorî de ame yadkerdene. Keyeyê Kayayî, îdarekar û endamanê Komeleya Rojnamegeran a Dîcle Firatî û Platformê Rojnamegeran ê Cinîyan ê Mezopotamya, embazanê ey waşt ke tewrê yadkerdişî bibê labelê polîsan berê Goristanê Yenîkoyî girewt û girse asteng kerd.

Polîsan nêverda ke keye û 10 rojnamegera ra berî çew tewrê merasîmî bibo.

Hemserekê Komeleya Dîcle û Firatî Serdar Altanî vat: ''Mamosta Kadrî merdimêko serkewte bi, xeylêk stajyerê ci estbî û ey xeylêk rojnamegerî perwerde kerdî. Ma mînetdarê ey ê.''

Vervatoxa Platformê Rojnamegeran ê Cinîyan ê Mezopotamya Ayşe Guney zî vat: ''Mamosta Kadrîyî zaf çîyî musnayî ma. Bi mîrasê xo o nika zî ma perwerde keno. Ma ey yad kenê.''

Girseyî qeranfîlî ronayî serê gorê Kayayî.