Roniştoxanê Kampa Multecîyan a Şehîd Rûstem Cûdîyî (Mexmûr) derheqê hêrişanê dewleta tirke ya îşxalkere de ANFyî rê qisey kerd.

Roniştoxan ra Mehmûd Manakî dîyar kerd ke dewleta tirke bi çekanê kîmyewîyan hêrişê gerîlayan kena û ê do qetî ney qebul mekerê. Manakî vat: ''Wa pêro dinya, kesê demokrat û dewletê mîyanneteweyî vera barbarîya dewleta tirke mesuldarîya xo bikerê. Verî zî wa şarê kurdî vera dewleta tirke wurzo payan ser. Dewleta tirke hende rezil bîya ke cenazayanê leşkeranê xo zî vêşnena. La se kena wa bikera do nêeşka verê gerîlayan de ser bikewa.''

Dayîke Xanime Spêrtî bale ante tecrîdê Îmraliyî ser û vat: ''Rayber Apo rayberê kurdan û pêro bindestan o. Dewleta tirke seba ke kes fikranê Rayber Apoyî ra îstîfade mekero ey tecrîd kena. Ganî ma wayîrê Rayberê xo vejîyê. Dewleta tirke hende teng bîya ke vera gerîlayanê ma çekanê kîmyewîyan şuxilnena û cenazayanê leşkeranê xo zî vêşnena. Eke dewleta tirke namerde nêbîyayêne raşta raşte vejîyayêne verê gerîlayan.''

Wendekar Mahîr Tunçî vat: ''Rayber Apoyî seba caardişê azadîya kurdan tim xîret kerd coka o ewro yeno tecrîdkerdene.  Ez venga pêro dewletanê mîyanneteweyîyan dana ke wa vera tecrîdê Îmraliyî bêveng nêmanê û xoserîya kurdan rê hûrmet bimojnê.''