Dewa Yeşîlova ya qezaya Rûbarokî ya Colemêrgî de hemwelatîyo bi nameyê Mehmet Dînço ke leşkeran ey ser o guleyî rişnayî, birîndar bi.

Dînçî (18) gama ke  saetanê şanî de mêşnayê xo çernayêne netîceya hêrişê leşkeran de çeqê xo ra birîndar bi û ame berdene nêweşxane.

18ê gulane de reyna Rûbarok de leşkeranê tirkan sîvîlan ser o guleyî rişnaybî û netîceya nayî de Şahab Şendol (23) û Celîl Ekîncî (17) birîndar bîbî. Di engiştê Şendolî birîyaybî û Ekîncî zî amebi amelîyatkerdene. Şendol Duhok de hema nêweşxane de yeno tedawîkerdene.