Dewleta Tirkî ya îşxalkare par Başûrê Kurdistanî de, herêma Bradostî de dest bi îşxalkerdişî kerdibi. Seba ke îşxalkerdişê xo ver bi Xakurkê hîra bikero, waşt ke şewa 27-28'ê Gulane de eskerê xo serê Koyê Şekîfî û Girê Şehît Dervîşî yê binê girê Lêlîkanî de bino ro.

Goreyê zanayîşanê ke çimeyanê herême ra ameyê girewtene, dewleta Tirkî wazena hêzanê xo yê eskerîye yê ke verê cû Rûbarokî de ca kerdê, veja erazî û bi nê hawayî erdî de dest bi hêrişanê xo yê îşxalkerdişî bikera.

Goreyê çimeyan, dewleta Tirkî wazena eskeranê xo Rûbarokî ra biverda herême û dewa Nermîze û herêma Kevortê ra biresa Newala Şêx Zadeyî ya ke wareyê kontrolê PDK'yî de ya.

Newala Şêx Zadeyî bi şerê 1992’yî yo ke sey ‘Şerê Başûrî’ tarîxê Têgêrayîşê Azadîye yê Kurdistanî de yeno vîrardene, hetê pêşmergeyanê PDK û eskeranê Tirkî ra amîbî kontrolkerdene.