Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişanê îşxalî de tay agahîyî dayî. Eşkerayîye wina ya:

''Netîceya çalakîyanê hêzanê ma de 2 îşxalkerî ameyî cezakerdene, 1 sîstemê mobese ame îmhakerdene, 1 mayîn ame îmhakerdene. Artêşa îşxalkere Warê Xoverdayîşî 32 reyî pê teyarayanê şerî, obus û çekanê giranan dayî bombayan ver û reyna xîret kerd ke mewzîyan û tunelanê şerî yê Warê Xoverdayîşî yê Şikefta Birîndaran û Karkerî pê kepçeyan birijna.

Detayî wina yê:

Çarçewa Hemleya Şorişgêre ya Bazanê Zagrosî de herêma Zapî de;

12ê êlule de Warê Xoverdayîşî yê Şehîd Adilî de tîmanê ma yê hereketînan îşxalkerî kerdî hedef. Çalakîye de 2 îşxalkerî ameyî cezakerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

12ê êlule de Warê Xoverdayîşî yê Girê Amedîyê de 1 sîstemê mobese yo ke nimite bibi û mayînê dormeyê ci hetê hêzanê ma ra ameyî îmhakerdene.

Hêrişê ke artêşa îşxalkere pê bombaya nuklere û çeka kîmyewîye kerdê;

12ê êlule de Warê Xoverdayîşî yê Girê Cûdîyî de mewzîyê şerî 6 reyî dîyayî bombayan ver.

Hêrişê bînî yê artêşa îşxalkere:

Warê Xoverdayîşî yê Şehîd Adil, Çemo, Girê FMyî û Sîda, warê Gundê Çemşerîtkê, Gundê Şikeftiyan û Gundê Çemrobotkî yê Garê dîyayî bombayan ver. Reyna 12ê êlule de mêşnayê dewa Yekmalî ya Metîna qestî ra dîyayî bombayan ver û xeylêk heywanî telef bîyî. 

12ê êlule de zî artêşa îşxalkere xîret kerd ke mewzîyan û tunelanê şerî yê Warê Xoverdayîşî yê Şikefta Birîndaran û Karkerî pê kepçeyan birijna.

12ê êlule de Warê Xoverdayîşî yê Girê FM û Girê Cûdîyî de têgêrayîşê dronan qewimîya.''