Seba azadîya Rayberê Şarê Kurdî Abdullah Ocalanî baskanê Wan û Qersî ra Rayraşîyayîşê Azadîye yo Pîl yeno kerdene. Raywananê Azadîye ra Wekîla DEM Partî Salîha Aydenîz ANFyî rê qala rayraşîyayîşî kerde.

Aydenîze îfade kerd ke tek adresê çareserîya demokratîke ya meseleya kurdan Îmrali yo û vat: ''Ewro şarê kurdî û dostê înan vera tecrîdê Îmraliyî payan ser de yê. Xeylêk cayanê dinya de fikr û felsefeya Birêz Abdullah Ocalanî seba haştîye girîng dîyenê û seba azadîya ey çalakîyî yenê kerdene. Ma zî na çarçewe de rayraşîyayîşê xo kenê. Ma 1ê sibate ra nata Qers û Wanî ra nê rayraşîyayîşî kenê û her ca de şar bi coşî ma pêşwazî keno. Şarê ma cara pabeyê rayraşîyayîşêkê winayênî bi. Şarê ma zerrî ra wayîrê çalakîyanê vera tecrîdî vejîyeno.

Merdimî lapikanê xo, hacetanê xo yê taybetan danê ma ke ma sey dîyarîyan berê Îmraliyî. Yanî rayraşîyayîşê ma rew ra resa armancê xo. Birêz Abdullah Ocalan seba meseleya kurdan perspektîfêkê çareserîye vet werte. Raştîya sîstemî est a ke ewro vurîyaya krîz û kaosî. Çareserîya krîzan pabesteyê azadîya Abdullah Ocalanî ya. Şarê ma zî wina bawer keno coka ma vanê rayraşîyayîşê ma resayo armancê xo.''