Herêma Kurdîstanî de krîzo ekonomîk vera beno giranêr. Goreyê anketêkî herêma Soranî ya wîlayetê Hewlêrî ya Başûrê Kurdîstanî de se ra 91ê ciwanî bêkar ê.

Meclîsê Ciwanan ê Herêma Soranî Şehîme Cewhêr Rojnewsî rê qisey kerd û bale ante anketî ser ke anket herêma Soranî de mîyanê 360 ciwanan de ame kerdene.

Goreyê Cewhêre se ra 91ê ciwanî bêkar ê û nê ciwanan perwerde zî dîyê. Cewhêre vat: ''No anket mojneno ke hûmara ciwanan ê bêkaran zaf zêde ya.''

Îdareyê Meclîsê Ciwanan ra Perwîne Mehmûd zî da zanayene ke bêkarî resaye astêka bitehluke û îfade kerd ke ciwanî hînî hukmatî ra çîyêk nêpawenê.

Hukmatê Herêma Kurdîstanî ya Federale doneyanê fermîyan ê seba bêkarîye eşkera nêkeno. Labelê goreyê rêxistinanê komelê sivîlî bêkarîye her roje zêdîyena.