Bi wesîleya nêzdîbîyayîşê serrgêra 9. ya Fermanê 3yê Tebaxa 2014î yê Şingalî Hemserekê Meclîsê Şarî yê qezaya Tilizêrî Feqîr Seadoyî ANFyî rê qisey kerd.

Seadoyî vist vîrî ek wextê fermanî de dormeyê Şingalî de pêşmerge û leşkerê Iraqî est bîyî la înan mudaxeleyê fermanî nêkerdo. Seadoyî pare kerd ke dewleta Iraqî hema zî nêwazeno Fermanê 3yê Tebaxa 2014î sey 'Qirkerdişê Êzidîyan' qebul bikero û vat: ''Dewleta Iraqî şehîdanê Şingalî sey şehîdanê xo qebul nêkena. Ma nê tewirê Iraqî şermezar kenê.''

Seadoyî da zanayene ke şarê ci fermanî ra dima hêdî hêdî agêreno qezaya Tilizêrî û var: ''PDKyî zaf reyî agêrayîşê şarî pê sîyasetê zûran asteng kerd. Bi îdîaya 'Şingal de aramî, asayîş û xizmet çin ê' agêrayîşê şarî asteng kerd. La şarî zûrê înan dîyî. Ganî şarê ma pê sîyasetê zûran nêxapîyo.''

Feqîr Seadoyî bale ante ser ke Rojawanê Kurdîstanî de cergê DAÎŞî hetê Îdareyê Xoserî ra do bêrê muhakemekerdişî û vat: ''Ma sey şarê êzidîyan ney fîraz kenê. No prosesê muhakemekerdişî seba qesasê komelê êzidîyan hemleyêka tarîxî ya û ma ney sey serkewtişêkî vînenê.''