Gerîlayan Botan Kato û Rûkene Cizîr bi wesîleya serrgêra Komployê 9ê Teşrîna Verêne ya 1998î ANFyî rê qisey kerd.

Gerîlayê HPGyî Botan Katoyî pare kerd ke hêzanê serdestan mîyanê Komployê Mîyanneteweyîyî de cagirewto û vat: ''Rayber Apo 26 serrî yo vera komployî xo ver dano. Hêzanê komplogeran seba menfaetanê xo pêro erjê merdimatîye binpay kerdê. Coka nê kenê ke bi tecrîdî komployî rê dewam bikerê. Şarê ma, cinî û ciwanî seba azadîya Rayber Apoyî ganî erk û mesuldarîyanê xo bîyarê ca.''

Gerîlaya YJA-Starî Rûkene Cizîre îfade kerd ke dişmenî bi komployî waşt ke şexsê Rayberê Şarê Kurdî Abdullah Ocalanî de şarê kurdî çin bikero. Rûkene vat: ''Ganî şarê ma hîna zaf wayîrê Rayberê xo vejîyo û vera komployî bêveng nêmano. Heta ke Rayber Apo azad nêbo cinî û şar zî azad nêbê. Sey gerîlayan ma do têkoşînê seba azadîya Rayber Apoyî biresnê asta tewr berze.''