Taxa Hasirli ya qezaya Sûrî ya Amedî de mabênê serranê 2015-2016î de xeylêk pêkewtişî qewimiyabî. Herême de 5 serrî yo xebatê kinitişî dewam kenê. Roja 7ê sibate de taxe de cenazayêke dîyaye. Yeno texmînkerdene ke cenazaya ke Sûr de dîyaye aîdê Hakan Arslanî ya ke Arslan wextê pêkewtişan de merdbi.

Goreyê zanayîşanê ke keyeyê Arslanî dayê Hakan Arslan wexto ke dinyaya xo bedilnaye cenazaya ci kişta Camîyê Hasirli de ameye definkerdene. Her çiqas keye 5 serran ra nata xîret keno zî nêeşka cenazaya lajê xo bivîno.

Babîyê Hakan Arslanî Alî Riza Arslanî pê rayîrê avûkatê xo muracatê Serdozgerîya Komare ya Amedî kerd. Babîyî Komeleya Heqanê Merdiman (ÎHD) rê zî muracat kerd. Keye pabeyê netîceya DNA yo.