Taxa Avzerkî ya qezaya Seravî ya Wanî de 28ê kanûna 2024î de polîsanê tirkan guleyî verdabî û Seyîthan Durdu qetil kerdibi.

Tehqîqatê derheqê qetilkerdişê Durduyî de bira teqîbnêkerdişî dîyabî. Efsero tirk Y.A. sûcê 'qestî ra kiştişî' ra 1ê çeleyî de tepişîyabi ka hewteyêkî ra dima vera dîyabi. Avûkatê Durduyî îtîrazê ney kerdibi.

Keyeyê Durduyî seba paştdayîşê huqûqîyî muracatê Baroyê Wanî kerd. Muracat hetê birayê Durduyî Tarik Durduyî ra ame kerdene. Baroyê Wanî dîyar kerd ke ê do prosesî teqîb bikerê û nêverdê ke sûcdarî bêceza bimanê.