Dêrsim de seba wendakara Unîversîteya Munzurî Gulîstane Doku ya ke roja yewşemeyî ra nata  ci ra xebere nîna girewtene xebatê cigêrayîşî dewam kenê.

Gulîstan Doku (21) ya amedije ya ke Unîversîteya Munzurî de Beşê Averşîyayîşê Domanan wanena 4 rojî yo ci ra xebere nîna girewtene. Keyeyê Doku yo ke Amede ra ame, bi embazanê ci semedê cigêrayîşî muracatê dezgehanê eleqedaran kerdbi.

Dîmenanê kamerayanê mobeseyan de ame tesbîtkerdene ke  ke Doku tewr peynî de nêzdîyê Pirdê Dînarî, Awbendê Uzunçayirî de  yena vînayene. 4 rojî yo dormeyê golê awbendî û Pirdê Dînarî de cigêrayîşî yenê kerdene. Pîya bi AFAD û Ekîbê Cigêrayîş û Xelisnayîşî yê Munzurî ewro ekîbêka taybet ê binê awe zî tewrê cigêrayîşî bîyî.

Hetê bînî ra Hemsereka Partîya Herêmanê Demokratîkan (DBP) Salîha Aydenîz û Wekîla Partîya Demokratîke ya Şaran  (HDP) ya Mûşî Şevîne Coşkun ê ke ameyî Dêrsim keyeyê Gulîstane Doku zîyaret kerd.