Hemşaredarê HDPyî yê qezaya Sûrî ya Amedî Cemal Ozdemîr o ke 21ê kanûna 2019î de wezîfeyî ra ame dûrîfînayene û di rojî dima ra ame tepiştene roniştişê ci yo verên Mehkemeya Cezaya Girane ya 8. ya Amedî ame kerdene.

Ozdemîr Zîndanê Erziromî ra bi sîstemê SEGBÎSî tewrê roniştişî bi. Avukatê Ozdemîrî  Şîlane Çelîk û Mehmet Oner zî tewrê ci bîyî. Reyna maya Ozdemîrî Enzile Ozdemîr, cinîya ci Salîha Ozdemîr, wekîla HPDyî Dersim Dag, hemserekê HDPyî ya Amedî Hulya Alokmen Uyanik û xeylêk kesî terwrê roniştişî bîyî.

Dozgerî semedê Ozdemîrî 9 ra heta 22 serran û nêm ceza waşte. Heyetê Mehkeme qerarê dewamkerdişê tepiştişî da û roniştişo bîn 16ê nîsane rê pey de eşt.