Rojnameger Oktay Candemîr xeber û vilakerdişanê medyaya komelkîye yê derheqê Korona de ra ame vengdayene ke îfade bido.

Candemîro ke bi îdîaya ''heqaretê serekkomarî'' ameyêne hukmkerdene zî nê 4 serran de 40 reyî venga ci ame dayene ke îfade bido û derheqê ci de 25 dewayî ameyî akerdene. 3 reyî keyeyê Candemîrî ame sereştene, ame destbendkerdene û bi şertê kontrolê edlîyî ame veradayene. Nê di serrî yê ke Candemîr şino qereqol û îmza dano. Candemîr tewr peyêne menga gulane de wextê nobeta grevê vêşanîye de xeberan dima bi polîsanê tirkan o derb kerd û destbend kerd. Dima zî derheqê ci de reyna dewa ameye akerdene.