Hunermendê kuçeyan Kemal Abdullaho ke bi serran o kuçeyanê Tahranî de pê kemane xo deyîran vano, rîyê asntekerdişê verê muzîgî verê xo da Başûrê Kurdîstanî û inkey kuçeyanê Başûrî de keman cineno.

Kemal Abdulaho ke bajarê Bokanî yê Rojhelatê Kurdîstanî ra yo inkey kuçeyanê bajarê Silêmanî yê Başûrê Kurdîstanî de pê kemane xo deyîranê kahan û modernen vano. Kemal Abdullah ciwanîya xo de  merkezê hunerî de huner museno. Dima ra unîversîte de perwerdeyê îngîlîzkî geno. Pîya bi grûbêka embazanê xo semedê muzîkî şino Tahran û 6-7 serrî kuçeyan de deyîran vano. Kemal Abdullah 2 serrî yo kuçeyanê Silêmanî de deyîran vano û eleqeyê şarî ra zaf keyfweş o. Abdullahî ard ziwan ke seba ke Tahran de astenkerdiş û qedexeyî est ê, ey verê xo dayo Başûrê Kurdîstanî û vat Tahran de rîyê otorîteyê dînîyî ra problemî est ê, coka o seba ke azad muzîk bikero ameyo Başûr.