Komeleya Cigêrayîşê Kulturî û Ziwanî ya Mezopotamya (MED-DER) rîyê vîrusê Korona ra kursanê kurdî do online serê zoomî ra bida. 

Mamostayê MED-DERî Murat Bîlgîçî  da zanayene ke ê do dersanê kurmanckî û kirdkî înternetî ra dewam bikerê. Bîlgîçî eşkera kerd ke êyê ke wazenê beşdarê dersan bibê heta peynîya na menge înternetî ra wa qeydê xo bikerê.

 Bîlgîçî pare kerd ke dersê înan seba asta 1., 2, û 3. dewam bikerê û ê plan kenê ke seba domanan zî kursêk abikerê.

Bîlgîçî da zaneyene ke kursê mamostayan zî bi beşdarîya 35 kesan înternetî ra do dest pêbikero. Bîlgîçî vat: ''Zaf girîng o ke kurdkî neqlê neslan ê bînan  bêra kerdene. Ganî her kes muracatê kursanê ma bikero.''