Dewa Bezirganî ya Agirî de 15ê hezîrana 2018î de cenazaya Leyla Aydemîra vînbîyaye amebî dîyene. Yusuf Aydemîro ke Leyla qetil kerdbi ci rê cezaya muebeda girane dîyaye. La vergumanê bînî Mehmet Alî Aydemîr, Mesa Aydemîr, Besîm Dursun, Hatune Dursun, Ayşe Artam û Yildirim Artam ameybî veradayene.

Avûkatê dosya Erdogan Tunçî derheqê vergumanan de muracatê îstînafî kerd. Waştişnameyê muracatî de nusîyeno ke îfadeyê vergumanan zûr ê û yewbînan nêtepişenê. Waştişname de ame parekerdene ke seba ke cenaza cayêkê serdinî de ameye nimitene mêsî nêameyî cenaza ser û no zî îsbat keno ke Leyla 26-27ê hezîrane ra verî kişîyaya.