Seba Mexmûrî medyaya komelkîye de kampanya dest pêkerde
Seba wedaritişê ambargoyê serê Kampa Multecîyan a Mexmûrî medyaya komelkîye ser o kampanya dest pêkerde.
Seba ke Îdareyê Hewlêrî ambargoyê serê Mexmûrî wedaro medyaya komelkîye kampanyayêke dîyaye destpêkerdene
Bi taybetî hunermendî û sîyasetmedarê kurdî seba wedaritişê ambargoyî venga Hukmatê Herêma Kurdîstanî ya Federale danê. Vilakerdişan de ke fotografê kampe estê wina yeno nuştene: ''Ma venga Hukmatê Başûrî kenê! Ganî ambargo bi temamî bêro wedaritene. Verê felaketan bigêrê û cade dest pê xizmetê weşîye bikerê. Ambargo wedarê.''
Dima ke 17ê temmuza 2019î de îdarekarê MÎTî Osman Koseyî Hewlêr de kişîya, Kampa Mexmûrî ser o ambargo ame kerdene. Kampe de 12 hezar kurdî estê. Vîrusê Korona ra kampe ser o tehlukeyêko pîl esto.
