Dima ke PDKyî hêzê xo Zînî Wertê de ca kerdî YNK û PKKyî pê çend eşkerayîyan qesawetê xo ardî ziwan. Tay sebebê nê qesawetan estê.

Qesawetê YNKyî çî yê?

1-Şerê zereyî yê mabênê YNK û PDKyî de şarê Şawrê û Wertê zaf qurbanî dayî û zaf gonîye rijîyaye. Coka hemwelatîyî na hereme de vera PDKyî hîsger ê.

2-Şarê na qeza zafêr terefgîrê YNKyî yê û PDKyî ra şik kenê.

3-Dima ke PDKyî hêzê xo Zînî Wertê de ca kerdî, reya verêne kadroyê YNKyî tepiştî. No zî bi sebebê qesawetan.

4-Beno ke PDK do pêro Şawrê û Wertê bigêro binê kontrolê xo. Raştîye de dekeweno sînoranê YNKyî.

5-Heman wextî de na gama PDKyî sey ceribnayîşê îdareyêkê neweyî yê YNKyî û îradeyî yeno ercnayene.

Sebebê qesawetê PKKyî çî yê?

1-Zînî Wertê rayîrê mabênê koyanê Karox û Qendîlî de ya, pê dayîşê nê bendê leşkerî yê PDKyî koyê Qendîlî û Karoxî yewbînan ra qerifîyenê.

2-Heman wextî de na qeza dekewena nêzdîyê Herêma Pawitişî ya Medya, coka seba pawitişê gerîlayan zî qerqilîyeno.
3-PKK no zaneno ke cabîyayîşê PDKyî yeno manaya herême de estbîyayîşê dewleta tirke. Çunke PDK Tirkîya reyde têgêreno.

4-Cabîyayîşê hêzanê PDKyî yê Zînî Wertê seba PKKyî yeno manaya şerî. No waştişêkê PKKyî nîyo. No tewirêkê PKKyî nîyo ke PKK wazeno Kongreya Neteweyîye bêra kerdene la PDKyî pê nê gaman vera PKKyî şer îlan kerd.