Namzedê Hemserekîya Şaredarîya Amedî ya Pîle Selçuk Mizrakli şewdir saet 7.30 de, Dibistana Cemîl Ozgurî ya ke Lojmananê Unîversîteya Dîcle de ca gêna de raya xo eşte sindoqa bi hûmara 1152’yîne.

Mizrakliyî hîna ke raya xo nêeşta ci qisey kerd û wina va: “Ewro rewşa welat û dinyaye senî ya eşkera yena dîyayene û na rewşa xirabe de ma do bi rayanê xo îrade û qederê xo tayîn bikê. Ez wazena ke weçînayîş hem seba pêroyê şaranê Tirkîya bixeyr bo û hem zî wazena ke seba ameyeyê roşnî û başî hêvî bo. Ez wazena ke weçînayîş binê sîya hiqûqî de, edalet û demokrasî newe ra newe ra bêro awankerdene û no weçînayîş zî do seba nînan bibo wesîla.”

Namzeda Hemserekîya Şaredarîya Amedî ya Pîle Hulya Alokmen Uyanike zî, sindoqa bi hûmara 1263’yîne ya ke Lîseya Îmam Hatîpî ya Kênayan a Anadoluyî ya Ş. Halît Gulserî ya ke qezaya Peyasî de ca gêna de raya xo eşte ci. Uyanike verê cieştişê raye qiseykerdişêk kerd û wina va: ”Şarê Amedî saetanê şewdirî ra nat şono sindoqan ser. Ma zî bi na wesîla ameyî sindoqan ser ke rayanê xo bierzê ci. Ez hêvî kena ke no weçînayîş  do seba bajarê ma bibo bixeyr û newe ra awanbîyayîşê  demokrasîyê Tirkîya rê bibo bingeh.”

Namzedê şaredarîyanê qezayan ê Amedî û parlamenterê HDP’yî zî şîyî sindoqê ke tede qeydkerdeyî yê û rayê xo eştî ci.