Heyetê Dîndar û Serekeşîranê Şingalî vera gefanê hêrişî yê dewleta tirke yê serê Şingalî eşkerayîyêke daye. Eşkerayîye Goristanê Şehîde Dilgeşe û Şehîd Berxwedanî yê Koyê Şingalî de ameye dayene.

Eşkerayîye de ame vatene ke ê hêrişê dewleta tirke yê vera Şingalî şermezar kenê. Sereşîran pare kerd ke dewleta tirke pê xeyalanê Osmanijan wazena Şingal îşxal bikera.

Eşkerayîye wina dewam kerd: ''Ma dewleta tirke ra nêtersenê. Ma amade yê rêçê pîl û kalikanê xo ser o bedelanê giranan bidê. Ma venga pêro êzidî û dostanê ci danê ke wa bibê yew û Şingal bipawê. Ma do heta peynî şer bikerê. Senî ke ma vera DAÎŞî xo ver da ma do reyna bi heman hawayî erdê xo bipawê.''

Dima Feqîr Reşoyî qisey kerd û îfade kerd ke êzidîyan pêro tarîxî de qet vera qirkerdişan sereyê xo nêard wa û naye ra pey zî ê do nêarê.Reşoyî venga hukmatê Iraqî da ke wa erdê xo bipawo.''

Hesen Şerîfî zî eşkerayîye de qisey kerd û venga pêro êzidîyan da ke wayîrê Şingalî vejîyê.

Serekeşîr Şemo Xwedêdayî zî vat: ''Şingal sey verî nîyo. Ma hînî wurzenê payan ser û xo ver danê.''