HDPyî Çewlîg de kongreya xo ya îstîsnayî ya 2. viraşte. Parlamenterê HDPyî yê Riha Nimetullah Erdogmuş, Parlamenterê HDPyî yê Çewlîgî Erdal Aydemîr, endamê partîyî û xeylî hemwelatijî tewrê ci biyî.

Kongre de serekîye HDPyî yê Çewlîgî rê Veysî Kaya ame vîjnayene.

Qiseykerdişan de muhîmîya vîjnayîşê cayîyî ser o ame vindertene.

Parlamenterê HDPyî yê Çewlîgî Erdal Aydemîrî ard ziwan ke HDP eşkeno nê vîjnayîşî qezenc bikero û waşt ke şarê Çewlîgî hemverê zulmê hukmatî de yew bo û  xebatanê vîjnayîşî yê HDPyî de ca bigêro.

Parlamenterê HDPyî yê Riha Nimetullah Erdogmuşî zî bale ante tarîxê Çewlîgî ser û va: ‘‘Esasî de raştîya Çewlîgî na nîya. Tarîxê Çewlîgî de şexsîyetê erjayeyî estî. Çewlîgî zaf şehadetî dayî. Na herre de merdimîye û erjê merdimîye bîyê zergûn. Merdimîye deyndarê na herre ya. Ewro Çewlîg de raxbetê menfaatî esto la vizêr wina nêbi. Bêkêmîye qesran û îqtîdarî de nêna rocigêrayene, bêkêmîye bi mucadeleyî, edep û kede bena.‘‘