Serkêşa têkoşînî ya Rojakewtene: Kawenda Agirî

Kawenda Agirî, seba her merdimo ke Rojakewtene de tewrê têkoşînê bîyo yan zî uca dest bi pratîkî kerdo, bîye mamostaya înan. A gerîlayêka fermandare û serkêşe bîye.

Raywanîya ke Serhedî ra dest pêkerde û heta Rojakewtene dewam kerde: Kawenda Agirî. Sey xeylî cinî û ciwananê ke wazenê biresê xeyalanê xo û Kurdistanî azad bikerê, tewrê mîyanê têkoşînî bîye. Seba kesanê ke Rojakewtene de tewrê mîyanê tekoşînî bîyê û uca kewtê mîyanê pratîkî, bîye mamosta. Xebatan de bîye serkêşe û bi zerrînizmîya xo ameye naskerdene.

Kawenda derheqê tewrbîyayîşê xo yê mîyanê PKK’yî de wina vatibi: “Girewtişê Rayberîye hetê hîsî ra tesîr mi ser o kerd. Seba tewrbîyayîşî mi cehd kerd, labelê serra 2005 de firsendê min ê tewrbîyayîşî virazîya. Mîyanê gerîlayan de çîyo ke bala mi destpêk de ante, cuya hevalîye bîye. Bi taybetî cuya hevalanê cinîyan, karê înan ê mîyanê yewîyanê cinîyan û ahengîya înan bîye.

Mavajî; mîyanê cimatî de karê ke cinî kenê kifş ê, labelê tîya sînorê karanê cinîyan çin o. Ney xeylî tesîr mi ser o kerd. Destpêk de bawerîya mi bi mi çin bîye, labelê mi dî ke cinîyî her karî eşkenê bi sereyê xo bikerê. Cuya gerîlayîye cimatbîyayîşêko newe yo. Eşkena vaja ke roja ewroyî de cuya tewr têduşt û hêjaye ya gerîlayî ya, seba ke her wareyî de ganî bi manayêk biciwîyê.

Cimato ke ma mîyanê ci de yê hetê fikrî û zîhnî ra ver bi çinbîyayîşî şino. Eşkera yo ke modernîteya kapîtalîste merdim kerdo rewşêka senêne. Mîyanê PKK’yî de seba ke merdim bibo wayîrê hêzê awankerdişê cimatêkê neweyî, hetê zîhnîyetî ra ganî merdim xo serê bingeyêkê rastî de perwerde bikero. Perwerde seba mi yeno manaya xo newe ra awankerdişê xo, zîhnîyetêkê neweyî.

Wexto ke merdim bala xo bido serê rewşa ewroyî ya cinîyan, zîhnîyetê panc hezar serran ê camêrdano ke serdest o vîneno. Modernîteya kapîtalîste cinîyan de tu rûmetêk nêverdayo, ê hertimî sey metayêk  bikar ardê. Cinîyî mîyanê PKK’yî de tarîxê xo yê têkoşînî newe ra nas kenê. Cinîyê ke cimatî awan kenê, koyan de xo newe ra xurt kenê. Cinîyê ke nika bîye artêşe, heqanê cinîyan pawenê. Bêguman no bi cehd û keda hemrayanê şehîdan qewemîya. Seba ke nê mîrasî rê wayîr bivejîyê ma hetê zîhnî û fîzîkî ra têkoşîn kenê.”

Kawenda bi kesîya xo ya şerwane, bi heskerdişê xo yê welatî û bi qiymeto ke dayêne merdimî, her ca de kesa ke vernîya newebîyayîşî akerdêne bîye.

Nameyê Qodî: Şahbanûr Zorbaye

Name Peyname: Kawenda Agirî

Cayê Biyayîşî: 1985 Agirî

Wextê tewrbîyayîşî: 2005 Agirî

Tarîx û Cayê Şehadetî: 2015 Ciwanro