Gerîlayanê HPGyî serrgêra 44. ya ronîyayîşê PKKyî fîraz kerde û pare kerd ke serra 45. do biba serra azadîya Rayberê Şarê Kurdî Abdullah Ocalanî, şarê kurdî û pêro şaranê bindestan.
Gerîlayanê HPGyî Azad Herekol, Rêbaz Kamyaran û Serhildan Kurdo bi wesîleya serrgêra 44. ya ronîyayîşê PKKyî ANFyî rê qisey kerd û bi mesajanê xo serrgêre fîraz kerde. Mesajê gerîlayan wina yê:
Azad Herekol: 27ê Teşrîna Peyêne ez verî Rayber Apoyî û şarê kurdî rê pêro şaranê bindestan, embazanê têkoşînî rê fîraz kena. Serra 45. ya PKKyî do biba serra azadîya Rayber Apoyî, şarê kurdî û şaranê bindestan.
Rêbaz Kamyaran: 27ê Teşrîna Peyêne serrgêra ronîyayîşê partîya ma fîraz be. Ma do tim serê rayîrê embazanê xo de têkoşînî rê dewam bikerê. Ma do armancanê embazanê xo yê şehîdan bîyarê ca.
Serhildan Kurdo: Serrgêra partîya ma PKK sere de Rayber Apoyî rê pêro şehîdanê ma, keyeyanê şehîdan, şarê ma, embazanê çeperanê Zap, Avaşîn û Metîna û pêro merdimatîye rê fîraz bo.
