Sêrt de şayîya Newroze ya merkezîye 20ê adare de ya. La Komîteya Amadekarîye ya Newroza Sêrtî taxanê Çal û Çakmakî de adirê Newroze vist ta. Şarî sloganê “Jin, Jiyan, Azadî”, “Bijî Serok Apo”, “Em ê bi berxwedanê bi ser bikevin” berz kerdî, xo adirî ser ra eşt we.

Wekîla DEM Partî ya Sêrtî Sabahate Erdogan Saritaş şayîye de qisey kerd û vat: ‘’Na Newroze do biba Newroza azadîya Ocalanî. Wa 20ê adare de her kes verê xo bido Newroze.’’

Hunermend Metîn Kiliçaslanî tîya de deyîrî vatî û şarî govende girewte. Şayîye bi govendan qedîyaye.