Bajarê Silêmanî yê Başûrê Kurdîstanî de vera hêrişanê îşxalî û şuxulnayîşê çekanê kîmyewîyan ê dewleta tirke rayraşîyayîşo derg ame kerdene.

Rayraşîyayîşo ke Kuçeyê Seholeka de dest pêkerd temsîlkarê partîyanê sîyasîyan zî tede xeylêk kesî tewrê ci bîyî. Badê rayraşîyayîşî Baxê Giştî de eşkerayîya çapemenîye ameye dayene. Înîsîyatîfê Vera Îşxalî Têkoşînî ra Neez Xalîdî ard ziwan ke vera çar leteyanê Kurdîstanî hêriş est ê û vat vera nê hêrişan ganî têkoşîno hempar bero dayene. Dima eşkerayîya çapemenîye ameye wendene û bale ameye antene serê tecrîd, hêrişanê îşxalî û şuxulnayîşê çekanê kîmyewîyan ser û veng dîya dezgehanê eleqedaran ê mîyannetweyîyî ke wa berpirsîyarîya xo bîyarî ca.