Silêmanî de seba çimdarîya dewaya domana 8 serre ya ke ameye îstîsmarkerdene ''Koma Wijdanî'' ameye awankerdene. Koma Wijdanî kesanê çalakîkeran ra yena meydan. Bi desan kesî verê berê mehkeme de kom bîyî û derheqê armancê awankerdişê kome de eşkerayîyêke daye. Eşkerayîye hetê Paşane Siruşt ra ameye wendene.

Eşkerayîye de ame vatene ke eke kesê sucdarê ke îstîsmar kenê teslîmê mehkeme nêrê kerdene ê do vera naye têbigêrê. Ame parekerdene ke zaf sucdarî sayê îqtîdarî ra ameyî azadkerdene û wina ame vatene: ''Ma do kesanê ke heqê înan ameyî binpaykerdene bipawê. Ma venga her kesî dabi ke kom bibê û vera zulmî heyetêk awan bikerê. Hewceyê komelê Başûrî bi şorişê wijdanî esto. Eke ma wijdanê xo rêxistin bikerê, ma do bieşkê bira biwijdane bidê.''