Vera hêrişê girkerdişê dewleta Tirkî ya îşxalkare ya vera Rojawanê Kurdistanî çalakîyê protestoyî dewam kenê. Silêmanî de reya şar vejîya kuçeyan û vera îşxalkaran nêrazîbîyayîş ramot.

Çalakîya ke rayberîya hunermendanê Başûr û Rojakewtena Kurdistanî de ameye viraştene bi hezaran kesî tewrê ci bîyî û hêrişê îşxalî protesto kerdî. Çalakîyê de sloganê sey “Berxwedan şanazî, serbestî û azadî ye”, “Rojava ne bi tenê ye”, “Rojava niştiman û xawenî hemû man e û Kurdistan piştevanî ye”, “Bijî berxwedana Rojava” û “Faşîst Erdoğan” ameyî eştene. Dimayê rayraşîyayîşî temsîlkaranê hunermend, nuştox, roşnvîr û dezgehanê cimatê sivîlî bale ante muhîya yewîya Kurdan ser û waşt ke wa heme Kurdî wayîrê Rojawanî bivejîyê. Qiseykerdoxan va: '' ‘Rojawan têna nîyo, peyê ci de Kurdistan esto‘ .