Hemwelatîyê Silêmanî bi şîarê 'Vera xeta xîyanetî Kurdîstanî bipawê' vera hêrişanê îşxalî yê dewleta tirke û hemkarîya PDKyî  vejîyayî kuçeyan û înan bi sloganan paştî daye gerîlayan. Hemwelatîyanê Silêmanî hêrişê îşxalî yê dewleta tirke bi çalakîyêka rayraşîyayîşî protesto kerdî.

Dima rayraşîyayîş vurîya mîtîngêk. Şarî çalakîye de sloganê sey 'Bimiro îxanet', 'Biciwîyo xoverdayîşê gerîlayan' vat û eşkerayîye ameye wendene. Eşkerayîye de xîyanetê PDKyî ame şermezarkerdene û venga pêro kurdîstanijan ame dayene ke hetê xoverdayîşê gerîlayan de bibê. Eşkerayîye de venga PDKyî zî ame dayene ke wa îxanetî ra abigêro.