Sîyasetmedaranê kurdan vist vîrî ke qanûnê caardişê ceza ganî seba pêro tepişteyan derbazdar bibo. Sîyasetmedarê kurdî ewro saete 15:00 de medyaya komelkîye ser o dest pê kampanyaya vilakerdişê bivîdeoyî kenê.
Qanûnê caardişê înfazî yo ke sey tedbîrê vera vîrusê Korona ame amadekerdene Komîsyona Edaletî ya Meclîsî de ame qebulkerdene. Zaf welatanê dinya de tepişteyî yenê veradayene la Tirkîya de tepişteyê sîyasîyî teberê prosesî de ameyî verdene. Zaf beşanê komelî vera qanûnê caardişê ceza nêrazîbîyayîşê xo mojna. Ewro zî saete 15:00 de seba ke tepişteyê sîyasî zî bêrê veradayene medyaya komelkîye ser o vilakerdişê bi vîdeoyî do bêrê kerdene. Sîyasetmedarê kurdî îfade kenê ke ganî qanûnê caardişê ceza têdûşt bibo û seba pêro tetepişteyan bêro caardene.
Hemsereka Kongreya Komelê Demokratîkî Leyla Guven venga Wezaretê Edaletî da û vat: ''Vîrusê Korona cîyatîye nêkeno. Coka ganî pêro tepişteyî bêcîyatîye bêrê veradayene. Ma berê zîndanan abikerê.''
Hemserekê MED TUHAD-FEDî Mehmet Temîzyuzî ard ziwan ke ê hukmatî ra qanûnêkê têdûştî wazenê. Temîzyuzî vat: ''Eke zîndanan de tay caardişî nêrê kerdene mergê ke do bibê ra sere de hukmatê AKP-MHPyî, pêro partîyê meclîsî, rêxistinê komelê sivîlî mesûldar ê. Ma wazenê ke cade sere de ê sîyasî yî pêro tepişteyî bêrê veradayene.''
Hemsereka Partîya Herêman ê Demokratîkan (DBP) Salîha Aydenîz zî vat: ''Eke zîndan kesêk/e pê na nêweşîye bikewe/o her kes do bibo nêweş. Coka ganî pêro zîndanî bêrê vengkerdene.''
