Taxa Derîşî ya qezaya Stewrî ya Mêrdînî de polîsan eşt xeylêk keyeyan ser. Sereştişanê keyeyan de Cabbar Gunduz, Mustafa Kilç, Mekî Eroglu, Davut Okumuş û Metîn Ortak ameyî destbendkerdene.

Ame zanayene ke nê panc kesê ke çarçewa tehqîqatanê serra 2014-2015î de ameyî destbendkerdene ameyî berdene bi Qereqolê Stewrî.

Hetê bînî ra Hemsereka HDPyî ya Mêrdînî Pêrîhane Agaoglu zî tede 9 kesê ke 29ê sibate de ameybî destbendkerdene karê înan ê asayîşî qedîyayî. Înan ra zî 7 kesî ameyî veradayene. Ame zanayene ke 9 kesî zî faalîyetanê xo yê sîyasîyan ê serra 2014-2015î ra semed ameybî destbendkerdene.

Hemserekê HDPyî yê Mêrdînî Perîhane Agaoglu Hemsereko Verên ê HDPyî yê Mêrdînî Musa Alkan sewqê edlîyeyî bîyî. Îfadeyê Agaogluye û Alkanî nika yenê girewtene.