Keyeyê Laçînî polîtîkayanê surgunî yê dewleta tirke ra neçare mend ke Dêrsimî ra koçê metropolanê Tirkîya bibo. Domanê nê keyeyî zî tim mîyanê cigêrayîşan de bîyî. Gamze Laçîn hema ke wendekar bîye tewra karanê partîye bîye. Aye dima pê bawer kerd ke cuya azade têna mîyanê gerîlayan de koyan de mumkîn a. Coka Gamze Laçîn 2011 de verê xo dana koyan û bena gerîla.

Kesayeta xoverdayoxe ya elewîtîya Dêrsimî û cinîya Dêrsimî Gamze rê bena pusula. A verî şina Eyaletê Erziromî û tîya de bena Amara Ronahî. A hêdî hêdî koyan şinasnena û pê sereberzî koyan de hem ciwîyena hem zî şer kena. Eşqê ci yê seba koyan ci rê serkêşîye keno. A koyan de Rayberîye ser o wanena, felsefe û îdeolojîya Rayberîye xo rê kena esas.

A bi mesuldarîya xo û xîretanê xo cade bena fermandare. Amara Ronahî serkêşîya embazanê xo kena û bi qerardarî şina. A Erziromî ra heta Rojawan û Herêmanê Pawitişî yê Medya kedêka pîle dana. Amara Ronahî tebaxa 2022yî de hêrişêkê xayînî yê dewleta tirke de Herêmanê Pawitişî yê Medya de bena