KCD, Têgêrayîşê Cinîyan ê Azadan (TJA), DBP, HDP, MED TUHAD-FEDî, OHD û Meclîsê Mayanê Haştîye vera tecrîdê girankerdeyî yê serê Rayberê Şarê Kurdî Abdullah Ocalanî û polîtîkayanê şerî Amed de rayraşîyayîşêk kerd.

Hemsereka DBPyî Salîha Aydenîz û wekîlê HDPyî zî tede xeylêk kesî Parka Koşuyoluyî de ameyî pêser. Polîsan girse girewt binê ablûqa. Girseyî vera ablûqa sloganî vatî. Wekîl Hişyar Ozsoyî zî vat: ''Şima do bêrê muhakemekerdene. Komara Tirkîya dewleta polîsan a.'' 

Merdimanê tepişteyan ê ke Nobeta Edaletî kenê, çalakîye de cagirewt.Nînan ra Reşahate Ada vat: ''Ma seba ke na bêedaletîye biqedê tîya de yê.''

Wekîl Ozsoyî zî vat: ''Ma wazenê ke Abdullah Ocalan wa bieşko keye û avûkatanê xo bivîno. Nika Îmrali de zulmêko pîl est o. Ma tecrîdê vera rayberê nê şarî qebul nêkenê. Ocalan muxatabo tewr pîl o.''

Hemsereka DBPyî Salîha Aydenîz vat: ''Tersî ra ê her cayî gênê binê tecrîdî. Pêro dinya zanena ke şima faşîst ê.''

Polîsan wextê qiseykerdişê xo de tirsî berz kerdî û kerd ke rojnamegerî dîmenan nêgêrê.

Çalakîye de Îdarekarê Rêxistina HDPyî ya Êlihî Yakup Orak û Îdarekerê Rêxistina DBPyî ya Êlihî Hayrettîn Degîrmencî ameyî destbendkerdene.