Mehnaze Hesen Xeleflo bi nameyê xo yê qodî Sarîna Şervan 1997 de şaristanê Makuyî yê Rojhelatê Kurdîstanî de keyeyêkê welatperwerî de dadîya xo ra bena. Sarîna bi erjanê kulturê kurdan bena pîl. Sarîna wexto ke bena ciwane kewena peyê cigêrayîşan. A zulmê îqtîdarê Îranî yê vera cinîyan û şarê kurdî qebul nêkena û 2012 de têgêrayîşê azadîye şinasnena.

Sarîna 2014 de tewra gerîlayan bena û Xakurkê de tewra perwerdeyî bena. A bi serran Xakurkê de têkoşîn kena û têkilîya embazîya gerîlayan zaf tesîrê ci kena. Sarîne ercnayîşanê xo de wina qala ney kena: ''Werrekna mi cuya PKKyî nika ra verî bişinasnayêne û tewra ci bibîyêne. Eke ez reyna biameyêne dinya mi reyna bingeyê felsefeya Rayber Apoyî de têkoşîn bikerdêne. Mi do seba na cuya rûmetêne û azadîye pêro bedelî bigirewtêne verê çiman. ''

Sarîna rixmê zehmetîyan zî tawiz nêdana û bi îradeyêkê xurtî têkoşîn kena. Sarîna 2017 de narey Akademîya Şehîde Bêrîtane de perwerde vînena û her cayê cuye de têkoşîn kena. Sarîna waştişê xo ser o verê xo dana herêma Serhedî ya Vakurî.

A alaya serkewtişî tim berzêr kena û mîsyonê xo mîyanê Şerê Şarî yê Şorişgêrî de ana ca. 8ê hezîrana 2020î de a dafika dişmenî de pa 3 embazanê xo xoverdayîşêkê pîlî mojnena ra û dafike ra xelisîyena. O çax leşkerî herême de operasyon kenê. Sarîna û hîrê embazê ci nêverdenê dişmen bi rehetî bikewo warî, heta fîşekê xo yê peyênî şer kenê û şehîd benê.