Temsîlkaranê îtîqatan çalakgerê mertalê gandarî zîyaret kerdî
Başûrê Kurdistanî de temsîlkaranê îtîqatanê cîya-cîyayan çalakgerê mertalê gandarî yê ke Qendîl de vera hêrişê îşxalî yê dewleta Tirkî çalakîye de yê, zîyaret kerdî.
Başûrê Kurdistanî de temsîlkaranê îtîqatanê cîya-cîyayan çalakgerê mertalê gandarî yê ke Qendîl de vera hêrişê îşxalî yê dewleta Tirkî çalakîye de yê, zîyaret kerdî.
Başûrê Kurdistanî de temsîlkarê îtîqatanê cîya-cîyayan şîyî serdana çalakgeranê mertalê gandarî yê ke Qendîl de vera îşxalkarîya dewleta Tirkî çalakîye de yê û mesajê yewbîyayîş û xoverdayîşî dayî.
Bi nameyê grûbe alîmê dînî Nadir Elî yo ke qisey kerd bale ante hêrişê dewleta Tirkî yê vera Kurdanê Vakûrê Kurdistanî ser û va: ‘’Nê hêrişan qîym nêkerd nika zî wazenê Başûrê Kurdistanî îşxal bikerê û destkewteyanê Kurdan çîn bikerê. Ma tîya ra veng danê Yewîya Neteweyîye û hukmatê Iraq û Herêma Kurdistanî ke wa vera nê hêrişanê ke vera sivîlan yenê kerdene bêveng memanê.’’
Nadîrî ard ziwan ke ê paştî danê çalakîya ciwanan û qiseykerdişê xo wina qedîna: ‘’Ma semedê pawitişê herre, awe û anorê xo ameyî tîya. Ganî heme alemê Îslamî û hetê demokratî vera nê îşxal û hêrişan tê bigêre.’’
Çalakgeran zî vat wa dişmen hol bizano ke Qendîl û Bradost tim Kurdan rê bîyî mertal û ê zî semedê pêtkerdişê nê mertalî ûca de yê.