Temsîlkarîya Îdareyê Xoserî yê Rojawanî: Şerwanan pêro dinya pawite
Temsîlkarîya Îdareyê Xoserî yê Rojawanî ya Başûrê Kurdîstanî serrgêra 8. ya Roja Dinya ya Kobanê de bale ante hêrişanê îşxalî yê Tirkîya û bêvengîya hêzanê garantoran ser.
Temsîlkarîya Îdareyê Xoserî yê Rojawanî ya Başûrê Kurdîstanî merkezê xo yê Silêmanî de bi wesîleya 1ê Teşrîna Peyêne Roja Kobanê ya Dinya eşkerayîyêke daye çapemenîye.
Eşkerayîye hetê Endamê Temsîlkarîya Îdareyê Xoserî yê Rojawanî Fethullah Huseynîyî ra ameye wendene. Eşkerayîye de ame vatene ke xoverdayîşo ke serkêşîya YPG û YPJyî de amebi kerdene xoverdayîşêko global bi.
Huseynîyî vat: ''Rojawan de binvistişê DAÎŞî ra dima Tirkîya Girê Spî, Serêkanîyê û Efrîn îşxal kerdî. Tirkîya bi destê cergan nê cayanê îşxalkerdeyan de sûcanê şerî û binpaykerdişanê heqan kena. Ganî Îdareyo Xoser destek bivîno û hêzê mîyanneteweyî verê hêrişanê dewleta tirke de bêveng nêmanê. Çunke şerwananê Rojawanî pêro merdimîye pawitbî''
