Gerîla Ronahî Çekdar qala birayê xo yê şehîdî Çekdarî kerde û da zanayene ke a zî reçê birayê xo ser o şina.

Gerîla Ronahî vat: ''Embaz Çekdarî keyeyêkê welatperwerî de dadîye ra bi û domanîya xo de raştîya dişmenî şinasnaye. Embaz Çekdar doman û pîlan ra bi heman hawayî bîyêne nêzdî. Her kesî tira zaf hes kerdêne. Keye de zî cinîyan rê nêzdîbîyayîşê ey sey komelî nêbi. Nêverdayêne ke kes bi hawayêkê şaşî nêzdîyê cinîyan bibo. Ma pîya şîyêne şiwanîye û ey her çi musnayêne mi.

Embaz Çekdar hem bira hem zî embazê mi bi. Tim seba azadîye cigêrayîşî kerdêne. Tewr peyêne serra 2009î de xo resna koyanê Kurdîstanî û tewrê gerîlayan bi. Tewrbîyayîşê Çekdarî ra dima ruho welatperwer ê keyeyî zêdêr bi. Keyeyî hînî zêdêr xebatanê têkoşînî de ca girewtêne. Çekdar serrêk Vakur de mend û dima derbazê Başûrê Kurdîstanî bi. O çax ez tewra gerîlayan bîya û ameya Vakur. La ma yewbînî nêdîyî. Mi embazê ey şinasnayî. Înan vatêne: 'Embaz Çekdar têkoşînê xo de numûne yo. Embazê cinîyî zî o winas pênase kenê.'

Embaz Çekdar çapemenîye de ca girewt. Qet firsend nêbi ke ma yewbînan bivînê. Bi nê hawayî o serra 2011î de Gelîya Teyare de şehîd bi. Şehadetê ey mi rê zaf tesîr kerd. La ez pê qerardarî do rêçê ey ser o şora. ''