Çalakgere Gullu Daşçi ya ke Hepisxaneyê Mêrdînî yê Tîpê E’yî de vera tecrîdkerdişê Ocalanî grevê vêşanîye de ya virit û gonî fekê ci ra ameye. Rixmê naye zî eşkera kerd ke a çalakîya xo do dewam bikera.
Tepişteyan ra yew a ke vera tecrîdkerdişê Ocalanî grevê vêşanîye de ya Gullu Daşçi ya 25 serrî ya. Daşçi virit û fekê ci ra gonî ameye.
Daşçi 20’ê Sibate ra nata Hepisxaneyê Mêrdînî yê Tîpê E’yî de grevê vêşanîye de ya.
Daşçi ya ke rîyê sûcanê cîyayan ra ci rê 12 serrê ceza ameya birnayene, 2,5 serrî yo girewte ya. Dayîka aye Leyla Daşçi (60) roja 15'ê Gulane kênaya xo reyde qisey kerd û da zanayene, rewşa weşîye ya kênaya ci giran a. Taşçi vat, kênaya aye teba 14 hevalê ci grevê vêşanîye de yê û roja Dişeme (13'ê Gulane) kênaya ci 4 reyî virito û gonî fekê ci ra ameye.
Leyla Daşçi da zanayene ke, heta ke tecrîd nêro wedaritene kênaya ci çalakîya xo do dewam bikera.
