Tepişteyanê dewaya PKK û PAJKî ser o Denîze Kaya bi wesîleya serrgêra 44. ya ronîyayîşê PKKyî eşkerayîyêke daye.

Eşkerayîye wina ya:

''Ma serrgêra 44. ya PKKyî ya Rayber Apoyî û şehîdan, şarê Kurdîstanî yê welatperwerî, embazanê ma yê cepheyanê şerî, xoverdayoxanê zîndanan, milîtan û sempatîzananê PKKyî, pêro şaranê bindestan, cinî, ciwanan û merdimatîye fîraz kenê. Ma pêro şehîdanê şoriş û demokrasî bi minetî yad kenê, verê vîrameyîşê înan de sereyê xo anê war.

PKK bîyo têkoşînê newe ra destvistişê cuye. Rayber Apoyî hema domanîya xo de rewşa koletîye analîze kerde, vera nakokî û pêkwtişanê komelî şer kerd. Raştîya Rayberîye raştîya PKKyî awan kerde û PKK seba şarê ma bîyo berêkê azadîye. Paradîgmaya Rayber Apoyî raştîya PKKyî de têkoşêko pîl ard û şaran rê mefteyê têkoşîn û rayîrê raştişêkî da. PKKyo ke têgêrayîşê Rayberîye yo, bi paradîgmaya komelê azadî, cinîya azade û komelê ekolojîkî yê demokratîkî felsefeya têkoşînî ya komelî zî eşkera kerde. Rayber Apoyî pê kedanê serran û zehmetîyan û bi raştîya şehîdan raştîya PKKyî munite. PKK raştîya felsefeya xo ser o beno qerardarî û xîretê têkoşînê azadîgîrî.

Îqtîdarê AKP-MHPyî yo faşîsto ke vera gerîlayan bin kewta nika pê çekanê kîmyewîyan û bombayanê qedexekerdeyan hêrişê gerîlayan kena. Sere de şarê ma ganî hêzê demokrarîk, sosyalîst û her kes sey xoverdayîşê Îmraliyî yê Rayber Apoyî esasê têkoşînê gerîlayan de têbigêrê.  Îqtîdarê çeteyan ê AKP-MHPyî serranê peyênan de bi giranî hêrişê Herêmanê Pawitişî yê Medya û Rojawanî kena. Seke ma Girê Dipî, Efrîn û Başûrî ra zanenê ke sere de Amerîka û Rûsya hêzê hegemonîkî mesuldarê nê hêrişan ê. Şarê ma yê Rojawanî zî pê na hişmendîye destpêkê hêrişan ra nata kuçeyan de xoverdayîşê destanwarî mojneno.

Ruhê 14ê Temmuze yê PKKyî bi şîarê 'Teslîmîyet îxanet, xoverdayîş serkewtiş o' xeta embaze Sara û Rûkene de, sere de Zap, Avaşîn û Metîna pêro parçeyanê Kurdîstanî de, esasê raştîya Rayberîye de bi nameyê serkewtiş û serfîrazîye. PKK partîya komelê dewe û zîretî, partîya cinîyan, partîya ciwanan, partîya şehîdan, partîya karker û kedkaran a û partîya caardişê Modernîteya Demokratîke ya.

Ma sey tepişteyanê dewaya PKK û PAJKî venga pêro keyeyanê embazanê tepişteyan, dormeyanê sosyalîst û demokratîkan, şarê ma danê ke her ca de vera hêrişanê îşxalî yê serê Rojawan û Herêmanê Pawitişî yê Medya çalakîyanê rêxistinkerdeyan û xurtêran bikerê. Roje roja azadî û rûmetî ya. Pawitişê Rojawanî erkê ma pêroyînan o. Ma reyna serrgêra 44. ya ronîyayîşê partîya ma fîraz kenê. Ma pê bawer ê ke partîya ma bi xoverdayîşê Rayber Apoyî, bi qerardarîya cuya azade serra 45. de têkoşînê xo pê serkewtişî tacîdar bikera. Ma her kesî rê serkewtiş wazenê.''