Rejîmê AKP’yî seba ke xoverdayîşê vera tecrîdî yê şarê Kurdî asteng bikero, caardişanê xo yê ‘qedexekerdiş’î dewam keno.

Walîtîya Sêrtî derheqê çalakî û şayîyê ke temamê bajarî de yenê viraştene de qerarêk girewt. Bi waştişê Mudirîya Asayîşî ya Sêrtî qerar ame dayene ke çalakîyê ke seba grevê vêşanîye yenê viraştene 15 rojî heme kuçe û wareyan de ameyê qedexekerdene. Qedexeyo ke 9’ê Gulane dest pêkerd û heta 23’ê Gulane do dewam bikero.