Weçînitişê 31’ê Adare de AKP’yî bi ferqêkê qijkekî şaredarîye bi dest fînabî. Weçînitiş de 14 kesî serê nameyê HDP’yî de û 11 kesî zî serê nameyê AKP’yî de meclîsî rê ameybî weçînitene. Seba ke meclîsî de endamê HDP’yî hîna zêde bîyî, vizêr bi mazereto ke derheqê înan de cipersayîş esto, 9 endamê meclîsî yê HDP’yî gure ra ameyî dûrfînayene.

Kesê ke endamîya meclîsê şaredarîye ra erzîyayê nê yê: Serap Çakmak Gençe, Dîyar Orak, Sûat Yetîşkîn, Ahmet Sagniç, Îsa Taş, Şukru Aydemîr, Nedîm Turemîş, Çetîn Yilmaz û Selamî Karahan.