Merkezê Îrtîbatî û Çapemenîye yê HPGyî pare kerd ke teyarayanê şerî yê artêşa TCyî ya îşxalkere vera Herêmanê Pawitişî yê Medya hêrişê hewayî kerd.

Eşkerayîya HPGyî wina ya:

''27ê sibate teyarayanê şerî yê artêşa TCyî  dewa Yekmalê ya Metina û dewa Şikeftîya ya Garê ser o bombayî varnayî.

26ê sibate  teyarayanê şerî yê artêşa TCyî  warê Şehîd Dîrenî yê Avaşînî ser o bombayî varnayî.

Heman rojê artêşa TCyî ya îşxalkere dewa Sîda ya herêma Zapî  de wesaîtêkê sivîlan kerd hedef. Nê hêrişî de hemwelatîyê bi nameyê Xelîl Îbrahîm Sîdanî şehîd bi. Dewijê Sîda yê ke dima agêrayî dewa xo ya verêne Sîda  hetê dewleta tirke ra bi zanayîşî ameyî hedefkerdene. Nê zîhnîyetî çend reyî xîret kerd ke sivîlan bitersno. Na herême de sivîlî tim ameyî hedefkerdene û bi seyan sivîlî merdî. Qesasê nê sivîlan wezîfeyo verên ê gerîlayan o. Gonîya şarê ma do erdî de nêmana.

Ma keyeyê Xelîl Îbrahîm Sîdanî rê û şarê Kurdîstanî yê welatperwerî rê serweşîye wazenê. Ma soz danê ke ma do vîrameyîşê şehîdanê xo bi serkewtişê têkoşînê xo bidê ciwîyayene. ''