Torra Ziwan û Kulturî vera çinbîyayîşê ziwananê herême 11-12ê Çeleyê 2020î de Amed de do komxebatêke bika. Torra Ziwan û Kulturî hunermend, nuştox, cigêrayox û roşnvîrî zî tede bi temamî hetê  45 kesan ra ameye raameyene.

Endama Heyetê Mişewreyî yê Torre Cevahîre Duzgun Sadak vat armanco esas ê înan pawitişê ziwan û kulturî yo ke binê tehlûkeyê çinbîyayîşî de yê. Sadake vist vîrî ke komeleyê ke ziwan û kultur ser o xebitîyenê sey îlegal yenê mojnayene û seba astengê verê ziwan û kulturî bêrê wedaritene û hetê qanûnan ra bêrê pawitene ê do xebatanê xo dewam bikê.

Sadake vat: ''Qirkerdişê kulturî dewam keno. Seba ke naye rê vajê ney ma xebitîyenê. Kesê ke beşdarê Torra Ziwan û Kulturî bîyî pêro ziwan û kultur ser o sereyê xo dejnenê. Xora derheqê ney de xebatî estê. La ma bikê ke şarê ma zî tewrê nê xebatan bibo. Naye ra beno ke sey gamêka qije yena dîyene la armancê ci pîl o.''

Sadake bale ante  ke seba ke ziwan û kulturî bêro pawitene ganî domanan rê kurdkî bêra musnayene û kurdkî bêro qiseykerdene.