Komeleya Paştdayîşê Keyeyanê Tepişteyan (TUAY-DER) bînaya xo ya Amedî de derheqê binpaykerdişê heqanê tepişteyan de kombîyayîşêk kerd.

Hemsereka TUAY-DERî Elîfe Haran eşkerayîyêk kerde û vat: "Esasê bîyayîşê dewleta huqûqî sey esas nêno girewtene û yeno xîretkerdene ke pawitişê heqan û azadîyanê ke her kesêke bîyayîşê xo ra bi hawayêkê tabîyî wayîrê înan ê bêrê astengkerdene."

Harane vat: "Roje bi roje heqê tepişteyan hîna zêde yenê binpaykerdene ke rojdemê rayaumûmîye zî pê hêsîyena. Ma tesbît kerd ke zindananê Bayburt, Dîlokî, Gumuşhane, Erzînganî de binpaykerdişê heqan yenê meydan. Ganî cade vera tepişteyan têgêrayîşê xirabî bêrê caverdene. zîndanan de tepişteyî erdî de kewenê ra, awa germine nêna dayene û koxuşî yenê sereştene. Tepişteyî şîyayîş û agêrayîşê nêweşxane û edlîyeyan de û pêvînayîşanê akerdeyan de hetê gardîyanan ra yenê tacîzkerdene. Zindanê Dilokî de tepişteyêk seba ke 2 serran ra nata cezaya ci ya dîsîplînî esta nêeşkena heqê xo yê pêvînayîşî bixebitna." Ma seba rewşa weşîye ya tepişteyan qerqilîyenê. Xarpêt de tepişteyî bi sebebanê keyfîyan hucreyan de yenê tepiştene û Amed de zî îşkenceyê çiftkelmeçeyî yenê kerdene."