Taxa Mezra Mihoka ya qezaya Nisêbinî ya Mêrdinî de vera Goristanê Hesen Beg Êzidî yê 300 serre 27ê adare de hêrişêk ame kerdene. Wekîla HDPyî ya Êlihî Feleknas Uca vera hêrişî nêrazîbîyayîşê xo mojna.

Uca eşkerayîyêka nuştekîye daye û texrîbkerdişê goristanî sey 'hêrişêkê namerdî'' ercna. Uca vat: ''Vera goranê êzidîyan no hêrişo verên nîyo. Verê cû zî hêrişê winasênî ameyî kerdene. La ne faîlê nê hêrişan ameyî dîyene ne zî wezaretî derheqê babete de cewab da persanê ma.''

Uca da zanayene ke êzidîyê ke goreyê bawerîya xo nêverdenê gorê înan abibê, vera erjanê înan hêriş yeno kerdene.

Uca qiseykerdişê xo wina dewam kerd: ''Nê hêrişî mojnenê ke êzidîyî hedefê hêrişan de yê. Şarê êzidîyî qerqilîyeno. Wezîfeyanê bingeyînan ê dewlete ra yo ke verê nê hêrişan bigêra. Ma faîlanê nê hêrişan bi hawayêkê xurtî şermezar kenê û wazenê ke ganî hûrmetê merganê ma bêro kerdene.''