Heyetê Pêroyî yê Mehkemeya Qanûnê Bingeyî tesbît kerd ke muracatê CHPyî de kêmasî çin a û bire daye ke qanûnê înfazî yo newe esasî ser o bêro ercnayene. Bira vindertişê caardişê qanûnî zî nê ercnayîşî ra dima do bêra girewtene.

Serekê Baroyê Wanî Zulkuf Uçarî derheqê qanûnê înfazî de ANFyî reyde qisey kerd û pare kerd ke ê pawenê ke krîterê dewleta huqûqî û têdûştîye nêrê binpaykerdene, qanûno ke cîyakerîye kena wa bêro batalkerdene.

Uçarî vat: ''Heyf ke avûkat, sîyasetmedar, rojnameger, akademîsyenî hema zî Qanûnê Têkoşînê vera Terorî ra tepişte yê. Hînî Tirkîya hewceyê dewletêka ferasetdar a. 

Na çarçewe de sere de Qanûno Bingeyî,  Qanûnê Têkoşînê vera Terorî û qanûnê bînî gaî cade seba pêkerdişê komelî vêrê vurnayene û vat: ''Mehkemeya Qanûnê Bingeyî ganî nê qanûnê cîyaker û bêtêdûştî batal bikera. Dima zî qanûnêkê înfazî yo newe wa bêro amadekerdene. Nê pawitişê komelî yo.''